Karyera

Vəzifə: Müştəri təcrübələri üzrə mütəxəssis (Forex üzrə)
Şirkət: ABB-İnvest
Şəhər: Bakı
İş qrafiki: Həftə içi 5 gün, 09:00–18:00 (13:00–14:00 nahar fasiləsi)
Əmək haqqı: Razılaşma əsasında
Əlaqə: hr@abbinvest.az

Vəzifə öhdəlikləri:

Müştəri əlaqələri və satış

- Fərq müqavilələri (CFD) üzrə marja ticarəti xidmətlərinin və maliyyə alətlərinin (valyuta cütlükləri, indekslər, əmtəələr, qızıl/neft, səhmlər) aktiv satışı və təşviqi;

- Potensial müştərilərə, mövcud treyderlərə və demo hesab açmış istifadəçilərə zənglərin edilməsi, marja ticarətinin şərtləri, kredit çiyni mexanizmi (leverage), spred və komissiyalar haqqında telefon və fərdi görüşlər vasitəsilə ətraflı məlumatın təqdim edilməsi;

- Müştərilərlə davamlı əlaqənin qurulması və müştəri müraciətlərinə operativ cavab və dəstəyin göstərilməsi.

Əməliyyat və texniki dəstək

- Ticarət platformasının (MT4) istifadəsi, hesabların açılması və onboarding prosesinin həyata keçirilməsi;

- Mədaxil/məxaric əməliyyatları ilə bağlı müştəri müraciətlərinə operativ cavab və dəstəyin göstərilməsi.

Hesabatlıq

- Görülmüş zənglər, keçirilmiş görüşlər və satış dinamikası üzrə müvafiq hesabatların hazırlanması və rəhbərliyə təqdim olunması.

Tələblər:

- Ali təhsil (Maliyyə, İqtisadiyyat, Menecment və ya Biznesin idarə edilməsi sahələri üzrə olması üstünlükdür);

- Satış, müştəri xidmətləri və ya maliyyə/investisiya (CFD/Forex, bank) sahəsində iş təcrübəsi;

- Səlis nitq, telefon vasitəsilə aktiv satış aparmaq və müştəri bazası ilə intizamlı işləmək bacarığı;

- Müştərilərlə effektiv ünsiyyət qurmaq və təqdimat aparmaq bacarığı;

- Marja ticarəti (spred, kredit çiyni, marja tələbləri) üzrə anlayış;

- Qlobal maliyyə bazarlarındakı xəbərləri və qiymət dinamikasını izləmə

- MS Excel və MS PowerPoint ilə yaxşı işləmək bacarığı;

- Azərbaycan/rus dilini səlis, ingilis dili arzuolunandır.

Müraciət qaydası:
CV-lərinizi hr@abbinvest.az ünvanına göndərin. Mövzu sətrində “Müştəri təcrübələri üzrə mütəxəssis (Forex üzrə)” vəzifəsini qeyd etməyi unutmayın.

Vəzifə: İnvestisiya araşdırmaları şöbəsinin mütəxəssisi
Şirkət: ABB Invest
Şəhər: Bakı
İş qrafiki: Həftə içi 5 gün, 09:00–18:00 (13:00–14:00 nahar fasiləsi)
Əmək haqqı: Razılaşma əsasında
Əlaqə: hr@abbinvest.az


Vəzifə öhdəlikləri:

- Maliyyə bazarlarını, qiymətli kağızları və digər investisiya alətlərini təhlil etmək;
- Səhmlər, istiqrazlar, investisiya fondları, ETF-lər və digər maliyyə alətləri üzrə araşdırmalar aparmaq;
- Mövcud və potensial investisiya imkanları barədə analitik arayışlar və təqdimatlar hazırlamaq;
- Bazar dəyişiklikləri, makroiqtisadi göstəricilər və emitentlər üzrə yenilikləri izləmək;
- İnvestisiya məhsullarının müştərilərə düzgün və aydın şəkildə təqdim edilməsini təmin etmək;
- Müştərilərə təqdim olunan məlumatların dəqiq, əsaslandırılmış və aktual olmasına nəzarət etmək;
- İnvestisiya məsləhətlərinin, müştəri müraciətlərinin və verilmiş təkliflərin müvafiq qaydada sənədləşdirilməsini təmin etmək;
- Şirkətin daxili prosedurlarına, etik davranış, maraqların toqquşması və komplayens tələblərinə riayət etmək;
- Şöbənin fəaliyyəti üzrə hesabatların hazırlanmasında iştirak etmə

Tələblər:

- Ali təhsil (Maliyyə, İqtisadiyyat, Bank işi, İnvestisiyaların idarə edilməsi, Mühasibat uçotu və ya digər əlaqəli ixtisaslar üzrə)
- Maliyyə bazarları, qiymətli kağızlar və investisiya məhsulları üzrə biliklər;
- Fundamental və texniki təhlil barədə anlayış;
- Maliyyə hesabatlarını və əsas maliyyə göstəricilərini təhlil etmək bacarığı;
- İnvestisiya risklərinin qiymətləndirilməsi və portfelin diversifikasiyası üzrə biliklər;
- MS Excel və PowerPoint proqramlarında işləmək bacarığı;
- Bloomberg platformasında iş təcrübəsi üstünlükdür;
- Analitik düşünmə, məlumatları müqayisə və nəticələri əsaslandırma bacarığı;
- Müştəri ehtiyaclarının təhlili və müştəriyönümlülük;
- Effektiv ünsiyyət və təqdimat bacarığı;
- Məsuliyyətlilik, dəqiqlik, məxfiliyin qorunması və etik davranış prinsiplərinə sadiqlik;
- Stressə davamlılıq və komandada işləmək bacarığı;
- Maliyyə və ya investisiya sahəsində minimum 1 il iş təcrübəsi üstünlükdür;
- Azərbaycan dili – mükəmməl, ingilis dili – yaxşı səviyyədə, rus dili – üstünlükdür (yazılı, şifahi ünsiyyət və təqdimat bacarıqları).

Üstünlük verilən meyarlar

- İnvestisiya şirkəti, bank, aktivlərin idarə edilməsi və ya maliyyə analitikası sahəsində iş təcrübəsi;
- CFA sertifikatı və ya digər müvafiq peşəkar kvalifikasiyanın mövcudluğu;
- Yerli və beynəlxalq kapital bazarları üzrə araşdırma təcrübə

Müraciət qaydası:

CV-lərinizi hr@abbinvest.az ünvanına göndərin. Mövzu sətrində “İnvestisiya araşdırmaları şöbəsinin mütəxəssisi” vəzifəsini qeyd etməyi unutmayın.